کیا ماہرہ خان نے اپنے بوائے فرینڈ سلیم کریم کے ساتھ منگنی کر لی ہے ؟ وہ تصویر جس نے ہر طرف ہنگامہ برپا کر دیا

انقرہ (ڈیلی پاکستان آن لائن )پاکستانی اداکارہ ماہرہ خان بین الاقوامی شہرت کی مالک ہیں اور بالی ووڈ میں شارخ خان کے ساتھ فلم ” رئیس “ نے ان کے کیریئر کوچار چاند لگا دیئے تاہم اس کے علاوہ وہ کئی قسم کے تنازعات میں بھی گھری رہیں جہاں انہیں سخت تنقیدکا بھی سامنا رہاہے جیسا کہ ان کی ایک تصویر بیرون ملک سے رنبیر کپور کے ساتھ وائرل ہوئی تھی تاہم اب ان کی اپنے مبینہ بوائے فرینڈ سلیم کریم کے ساتھ تصویر وائرل ہو گئی ہے ۔

بھارتی ویب سائٹ ” پنک ولا“ نے ایک رپورٹ شائع کی ہے جس میں موضوع بحث ماہرہ خان کی مبینہ بوائے فرینڈ سلیم کریم کے ساتھ بنائی گئی تصویر ہے اور ساتھ دعویٰ کیا گیاہے کہ پاکستانی اداکارہ کی اپنے بوائے فرینڈ کے ساتھ منگنی کی افواہیں گرم ہیں تاہم اداکارہ کی جانب سے اس حوالے سے کوئی تردید یا تصدیق سامنے نہیں آ سکی ہے ۔

انٹرنیٹ پر افواہیں گردش کر رہی ہیں کہ ماہرہ خان نے دوسری مرتبہ اپنا گھر بسانے کا فیصلہ کر لیاہے اور انہوں نے اپنے بوائے فرینڈ سلیم کریم کو زندگی کا ساتھی چنا ہے جبکہ یہ دعویٰ بھی کیا جارہاہے کہ انہوں نے ترکی میں ایک دوسرے کو انگوٹھیاں بھی پہنا دی ہیں۔پنک ولا نے اپنی رپورٹ میں دعویٰ کیاہے کہ اس تقریب میں فیملی اور قریبی لوگوں نے ہی شرکت کی ہے تاہم ماہرہ کی جانب سے ابھی تک اس کی تردید یا تصدیق نہیں کی گئی ہے ۔

تفصویر میں دیکھا جا سکتاہے کہ ماہرہ خان نے سفید رنگ کا انتہائی خوبصورت لباس زیب تن کیا ہواہے جبکہ سلیم کریم نے کالے رنگ کا سوٹ پہن رکھا ہے اور دونوں نہایت خوبصورت دکھائی دے رہے ہیں ۔دوسری جانب پاکستان کی نیوزسائٹ ” دی نیوز “ نے دعویٰ کیاہے کہ یہ تصویر ایک پارٹی کی ہے جس میں دونوں کو ایک ساتھ ڈانس کرتے ہوئے دیکھا گیاہے تاہم ماہرہ خان کی جانب سے اس حوالے سے بیان کا انتظار کیا جارہاہے ۔

یاد رہے کہ ماہرہ خان نے 2007 میں علی عسکری سے شادی کی تھی اور ان دونوں کا ایک بیٹا بھی ہے جس کانام اذلان ہے تاہم آپسی اختلافات کے باعث جوڑے نے 2015 میں علیحدگی کا فیصلہ کر لیا تھا اور اس کے بعد سے ماہرہ خان نے شادی نہیں کی ۔

Leave a Reply

Your email address will not be published. Required fields are marked *